The Nazarene Catholic School | Gregorio Araneta y Soriano Marker; Miguel Zaragoza y Aranquizna MarkerThe Nazarene Catholic School | Gregorio Araneta y Soriano Marker; Miguel Zaragoza y Aranquizna Marker is a Marked Structure, NHCP located at Manila, Metro Manila, National Capital Region.
Marker Texts:
Gregorio Araneta y Soriano
(1869–1930)
Hurista, makabayan at matapat na lingkod bayan. Isinilang sa Molo; (dating Parian), Iloilo noong Abril 16, 1869. Nagkamit na titulong Batsilyer sa Sining, sobresaliente, Ateneo Municipal de Manila, 1884; titulo de agrimensor y perito tasador de tierras, 1886; at lisensiyado sa hurispundensiya, 1891, sobresaliente, Pamantasan ng Santo Tomas. Naging Nanunungkulang Piskal ng Audiencia de Manila, 1894–1895; Sekretaryo Heneral ng Republika ng Malolos, 1898; kasapi sa komite na bumalangkas ng Konstitusyon ng Malolos, katulong na mahistrado ng Kataas-taasang Hukuman, 1899; Solisitor Heneral ng pamahalaang sibil, 1900; unang Pilipinong Abogado Heneral, 1905 at Kalihim ng Katarungan at Pananalapi, 1908. Propesor ng batas sibil sa Pamantasan ng Santo Tomas, 1916–1930[.] Namatay noong Marso 9, 1930.
Year Unveiled: 1988
_____
Miguel Zaragoza y Aranquizna
(1847–1923)
Pintor, manunulat, mambabatas at makabayan. Ipinanganak sa San Isidro, Nueva Ecija noong Setyembre 29, 1847. Nag-aral sa Ateneo Municipal de Manila at Academia de Dibujo y Pintura, 1859. Isa sa mga pensyonado ng pamahalaan sa larangan ng sining na pinag-aral sa Academia de San Fernando, Madrid, Espanya, 1879 at sa Roma, 1882. Sumapi sa Kilusang Propaganda sa Roma at bumalik sa Espanya, 1885. Umuwi sa Pilipinas at muling binuhay ang magasing, La Ilustracion Filipina, 1891. Ilan sa kanyang mga pintura: A Roman Laborer; The Death of St. Francis Xavier at St. Peter Chavez; Highway Men; at ‘El Violencellista.’ Ang dalawa sa labingdalawa niyang lahok ay nagwagi ng ginto at pilak na medalya sa Eksposisyon sa St. Louis, 1904. Naging propesor: Ateneo Municipal, 1891; Escuela Superior de Pintura, Esculturo y Grabado, 1893; Liceo de Manila, 1900; at isa sa unang tatlong propesor ng U.P. School of Fine Arts, 1909. Nahirang na kagawad sa Kongreso ng Malolos, 1898 at isa sa lumagda ng Saligang Batas ng Unang Republika ng Pilipinas. Namatay noong Marso, 1923.
Year Unveiled: 1989